மஞ்சள் கயிற்றில் அடங்கியிருக்கிறதா பெண்ணின் வாழ்வு?

ஒட்டு மொத்த வாழ்க்கையும் கழுத்தில் கட்டப்பட்டிருக்கும் தாலியில் தான் அடங்கியிருக்கிறது என்று நம்புகிற பெண்களே அதிகம்.

கணவனை செருப்பால் கூட அடிப்பாளாம் ஒரு பெண்.
குடிக்க சோறு, கஞ்சி கொடுக்காமல் கூட துரோகம் செய்வாள், கணவன் இருக்கவே இன்னொருவனுடன் கள்ளத் தொடர்பு கூட வைத்திருப்பாள்.

அதுவெல்லாம் ஒழுக்கத்திற்கோ, குடும்பப் பாங்கிற்கோ களங்கம் சுமத்தவல்ல காரியமாக எவரும் சொல்வதில்லை, சமூகமும் அவ்வாறு பார்ப்பதில்லை.

ஆனால், இத்தனையையும் செய்கிற அந்த பெண், கழுத்தில் கட்டியிருந்த தாலியை கழற்றியெறிந்து விட்டால் அவள் ஏதோ கொலை குற்றம் செய்தது போல் திட்டி தீர்க்கிறது இந்த சமூகம்.

ஒரு பெண்ணின் மானமும் மரியாதையும், அவளது ஒட்டு மொத்த எதிர்காலமும் ஒரு மஞ்சள் கயிறில் தான் அடங்கியிருக்கிறது என்பதாக நம்புகிற இந்த சமூகம் பெண்களுக்கு சம உரிமை பற்றி பேசுவது தான் முரண்பாட்டின் உச்சம் !

ஒரு வேளை திருமணமாகி விட்டதற்கான அடையாளமாய் தாலி கட்டிக் கொள்வதும் காலில் மெட்டி அணிந்து கொள்வதும் தான் ஒரு பெண்ணுக்கு மரியாதையென்றால்அதே மரியாதையையும் சம உரிமையையும் (?) ஆண்களுக்கும் இந்த சமூகம் வழங்கட்டுமே?

அதை செய்யாமல் ஆண்களுக்கு ஏன் பாரபட்சம் காட்டுகிறது??

தாலி அணிவது பெண்களுக்கான உரிமையென்றால் ஆணை விட பெண்ணுக்கு கூடுதல் உரிமை வழங்கி விட்டு பெண்ணுரிமைக்காக ஏன் இன்னமும் போராடிக்கொண்டிருக்கிறார்கள் என்று சமூக ஆர்வலர்கள் கவலை கொள்ளாதது ஏனோ??

தங்கக் கட்டியை சாணமாக இடும் பசு மாடு

ஆமாமா..
எங்க வீட்டு மொட்டை மாடியில் நின்று நாளை நான் பட்டம் விட்டால், அந்த பட்டம் நிலவில் கூட சிக்கிப் பிடிக்கும்.
அப்படி சிக்கவில்லையென்றால் அல்லாஹ் நாடவில்லை, அதனால் சிக்கவில்லை.

எங்க வீட்டு ஆலமரத்தில் ஆப்பிள் பழத்தை விளைய வைக்க முடியும்.
நடக்கவில்லையென்றால் அல்லாஹ் நாடவில்லை.. அதனால் தான் விளையவில்லை, அவ்வளவு தான்..

நாங்க வளர்க்கிற பசுமாடு தங்ககட்டியை தான் சாணமாக‌ போடும்.
அப்படி தங்கம் எதுவும் வரவில்லையென்றால் அல்லாஹ் நாடவில்லை, அதனால் வரவில்லை.

இப்படியே சொல்லி திரியலாம்.

இப்படியே சொல்லி விட்டால், உலகில் எதுவும், எங்கேயும், எப்போதும், யாராலும், யாரிடமும், எந்த காலத்திலும் நடக்கும், நடக்க வைக்க முடியும்.

உலகில் யாராலும் முடியாதது எதுவுமே இல்லை !

ஏதும் நடக்காமல் போய் விட்டால், அல்லாஹ் நாடவில்லை, அதனால் தான் நடக்கவில்லையே தவிர, அவருக்கு அது இயலாது என்பதால் அல்ல என்கிற ஒரு பதிலை சொல்லி விடலாம் !!

நல்லாயிருக்கு இந்த கூத்து.
இஸ்லாமா கேலிக்கூத்தா?

எந்த மார்க்கத்தில் இருந்து கொண்டு என்ன கழிசடை பேச்சு இது??

இதை தானய்யா கப்ர் வணங்கியும் சொல்றான்?

நான் என்ன செத்துப் போன அந்த அவ்லியாவுக்கே சக்தி இருக்குன்னா சொல்றோம்?
அல்லாஹ் அந்த சக்திய குடுப்பான்..
குடுக்குறப்போ அவர் செய்வார்.. குடுக்கலன்னா செய்ய மாட்டார்.. அப்படி தானே சொல்றோம்..

இப்படி பேசி திரிகிறவர்களை தான் கப்ர் வணங்கியென்றும் நாளை நிரந்தர நரகத்திற்கு முன்பதிவு செய்து வைத்திருக்கிறவர்கள் என்றும் சொல்கிறோம்.

அல்லாஹ் நாடினால் செத்துப் போனவர் அற்புதம் செய்வார் என்று சொன்னால் அவன் முஷ்ரிக்காம்.

அல்லாஹ் நாடினால் சூனியக்காரன் அற்புதம் செய்வான் என்று சொன்னால் மட்டும் இவர்கள் தவ்ஹீதை குத்தகைக்கு எடுத்தவர்களாக ஆகி விடுவார்க‌ளோ???

சூனியம் இப்போது அழிந்து விட்டது (??)

...இதுல உச்சகட்ட வேடிக்கை என்னன்னா.. இது நாள் வரை சூனியம் இருக்கு இருக்கு, அதனால கை கால முடமாக்கலாம், பைத்தியமாக்கலாம் என்றெல்லாம் பிரச்சாரம் செய்து வந்தவர்கள் எல்லாம்..
இன்றைய தினம், அந்தர் பல்டி, ஆகாய பல்டியெல்லாம் அடித்து

சூனியம் என்பது முன்னொரு நாளில் இருந்த ஒரு கலை, அது இப்போது அழிந்து விட்டது

என்று சினிமா டயலாக் விட்டு திரிகின்றனர்.

இப்படிப்பட்டவர்கள் எங்கிருந்தாலும் கோடம்பாக்கம் உங்களை வரவேற்கிறது என்பதை மட்டும் சொல்லிக் கொள்கிறோம் !

பிகு : ஏற்கனவே நோக்கு வர்மம் முன்னொரு காலத்தில் சீனாவில் இருந்தது, இப்போது அழிந்து போனது, ஆனால் அதை கற்றவர்களின் மரபணுவைக் கொண்டு மீண்டும் அந்த கலையை புதுப்பிக்க முடியும் என்பதான ஒரு திரைக்கதை ஏழாம் அறிவு என்கிற சினிமா மூலம் திரைக்கு வந்து வெற்றி பெற்ற முன்னுதாரணம் இருக்கிறது !

சூனியத்திற்கு வேண்டுமானால் எட்டாம் அறிவு என்று பெயரிடுவோம்,
நல்ல வசூல் வேறு ஆகும் !!

படம் காட்டித் திரியும் அறிவிலிகள்

என்றைக்கும் அமைதியையே விரும்புகிற, மத நல்லிணக்கத்தை கொள்கையாக கொண்ட, தீவிரவாதம் எந்த ரூபத்தில் வந்தாலும் அதை நஞ்சென வெறுக்கிற இஸ்லாமிய சமூகம் இந்தியாவில் அனைவரும் நலமுடன் வாழவே விரும்புகின்றது.

ஈராக்கில் போர் நடக்கிறது என்றால், தனி இயக்கம் கண்டு அரசுக்கு எதிராக போரிடுகிறார்கள் என்றால் அது அவர்களது உள் நாட்டுப் பிரச்சினை.

அப்பாவிகள் பாதிக்கப்படுவதை மனித நேயம் கொண்டு கண்டிக்கலாமே தவிர, முழு ஞானமின்றியும், அவர்களது கொள்கைகள் என்ன என்பது பற்றிய ஆழமான விளக்கங்கள் கிடைக்காமலும் எந்த முஸ்லிமும் அவர்களை ஆதரிக்க முடியாது.

போர் என்று வந்தால் கூட இஸ்லாம் வகுத்து சொல்லும் பல்வேறு நெறிமுறைகளையெல்லாம் பேணித் தான் அவர்கள் செயல்படுகிறார்கள் என்பதற்கு எந்த ஆதாரமும் இல்லையெனும் போது நானும் அவர்களை ஆதரிக்கிறேன் என்று எந்த முஸ்லிமும் சொல்ல மாட்டார்.

அடிப்படை விபரமின்றி சில மூடர் கூட்டம் அப்படி பேசி திரிகின்றன என்றால் இதை தயவு செய்து யாரும் பெரிதாக எடுத்துக் கொள்ள வேண்டாம்,

அற்ப புகழுக்காக அலையும் இவர்கள் வெறும் டம்மி பீசுகள் தானே தவிர ஒரு புல்லை கூட பிடுங்கும் திராணி பெற்றவர்கள் அல்ல இவர்கள்.

நானும் ரவுடி தான் என்று நகைச்சுவை செய்யும் வடிவேலுவை போல் தான் இவர்களை ரசிக்க முடியும் என்பதால் இது போன்ற மூடர்களை அதிகார வர்க்கமும் இஸ்லாமிய சமூகமும் அலட்சியம் செய்யட்டும் !

இந்த மூடர்களுக்கு இதையே நமது கண்டனமாகவும் பதிவு செய்து கொள்கிறோம்,

இப்படி படம் காட்டித் திரிவதை ஒதுக்கி வெச்சுட்டு போய் குடும்பத்தை கவனிக்கிற வேலய பாருங்க..

மிஸ்ரி காலன்டர் என்றால் என்ன?

ஹிஜ்ரி காலண்டர் கணக்குப்படி இன்றுடன் (அதாவது ஜூலை 27) ரமலான் 29 நாட்கள் முடிகின்றன.

ஆனால், இவர்களுக்கு போட்டி காலண்டர் ஒன்று உள்ளது. அது தான் மிஸ்ரி காலண்டர்.
(இது போரா வகையினருக்கான முஃமினீன் எனப்படும் காலண்டர். எனினும், போரா அல்லாதோரில் பலரும் இதை பின்பற்றுகின்றனர்)

அதன் கணக்குப்படி இன்றுடன் அவர்களுக்கு ரமலான் 30 பூர்த்தியாகிறது !

ஹிஜ்ரா காலண்டரை பின்பற்றுபவர்கள், நேற்று அமாவாசை தினமானதால் அமாவாசைக்கு அடுத்த தினம் முதல் பிறை என்று கணக்கிட்டு, இன்று பெருநாள் கொண்டாடியுள்ளார்கள்.

மிஸ்ரி காலண்டரை பின்பற்றுகிறவர்களோ, அமாவாசைக்கு இரு தினங்கள் கழித்துள்ள தினத்தை முதல் பிறை என்கிறார்கள். அதன்படி நாளை அவர்களுக்கு பெருநாள் !!

முன்கூட்டியே கணிக்கலாம் என்று பிரச்சாரம் செய்கிறவர்களிடையேயும் எது முதல் பிறை என்கிற சர்ச்சை இல்லாமல் இல்லை என்பதை நாம் அறிந்து கொள்ளவே இந்த பதிவு !!

அமாவாசைக்கு அடுத்த சில மணித்துளிகளில் வானில் புதுப்பிறை உதயமாகி விடும் என்பதால், அது தான் முதல் பிறை என்பது முதலாமவர்களின் கூற்று.

என்னதான் வானில் உதயமானாலும் கண்ணால் பார்க்கும் அளவிற்கு அது வளர்ச்சி பெறுவது மறு நாள் தான் என்பதால் மறு நாள் தான் முதல் பிறை என்பது இரண்டாமவர்களின் கூற்று !!

முன்கூட்டியே கணிக்க வேண்டும் என்று சொல்வோரும் எது முதல் பிறை என்பதில் ஹிஜ்ரி காலண்டர் என்றும் மிஸ்ரி காலண்டர் என்றும் பிளவுப்பட்டு தான் நிற்கிறார்கள் !!

மார்கோ போலோ

மொபைலை எங்கேயாவது வைத்து விட்டு தேடுகிற வழக்கம் பலருக்கும் உண்டு. சமயத்தில், மொபைல் ஸ்விட்ச் ஆஃப் செய்யப்பட்டோ அல்லது சைலன்டிலோ இடப்பட்டிருந்தால், இன்னொரு மொபையிலிலிருந்தும் அழைத்துப் பார்க்க முடியாது.

அந்த மாதிரி இக்கட்டான சூழலில் நமக்கு உதவும் அப்ப்ளிகேஷன் ஒன்று தற்போது கண்டுபிடிக்கப்பட்டிருக்கிறதாம்.

இதற்கு பெயர் மார்கோ போலோ.

அதாவது, நமது மொபைலில் இந்த அப்ளிகேஷன் இருந்தால், மொபைல் ஸ்விட்ச் ஆஃப் செய்யப்பட்டிருந்தால் கூட, அதை எளிதில் கண்டுபிடித்து விடலாமாம்.

மொபைல் காணவில்லையென்றால், மார்கோ, மார்கோ என்று சத்தமாக அழைத்துக் கொண்டே தேட வேண்டும்.

நமது சத்தம், அந்த மொபைல் இருக்கும் குறிப்பிட்ட வரையறைக்குள் செல்கையில், நமது குரலை மொபைல் உள்வாங்கி, பதிலுக்கு "போலோ" என்று அது சத்தமிடுமாம் !

அதான் மார்கோ போலோ !

இது இயல்பாக அதில் ஸ்டோர் செய்யப்பட்டிருக்கும் அழைப்புக் குரல் தான்.

நாம் இதை மாற்றி கூட அமைக்கலாமாம்.

அடேய் எங்க இருக்கே? என்று நாம் கூப்பிட்டால், நான் இங்க தான்டா இருக்கேன்.. என்று மொபைல் பதில் சொல்லும் வகையிலும் அதை செட் செய்யலாம் ! 

நல்லா இருக்கே !!

காதியானிக் கூட்டத்தின் கவனத்திற்கு

முதலில், காரணமின்றி, விவாதத்திற்கு அழைப்பு விடும் வழக்கம் தவ்ஹீத் ஜமாஅத்திற்கு கிடையாது.
எதிர் கொள்கையுடையவர்கள் விவாதிக்க முன்வந்து அழைத்தால் அதை ஏற்றுக் கொள்ளும்.
அது தான் வழக்கம்.

அது தவிர, எந்த சித்தாந்தமாவது சமூகத்தில் பெரும் தாக்கத்தை ஏற்படுத்தி, அதன் மூலம் பெருமளவில் மக்கள் வழிகேட்டில் செல்வதாக தோன்றினால் அப்போது அந்த கொள்கையை கொண்டிருப்பவர்களை விவாதிக்க அழைப்பதுண்டு.

காதியானி மதத்தை பொறுத்தவரை, இந்த சமூகத்தில் நயா பைசாவுக்கு பயனுள்ள தாக்கத்தை கூட ஏற்படுத்தவில்லை என்பதே தவ்ஹீத் ஜமாஅத்தின் நிலைபாடு.
1994 இல் தலைதூக்கிய இந்த கொள்கை, அந்த வருடம் நடந்த விவாத்தோடு சமாதியாக்கப்பட்டது.

சூனியம் செய்து மக்களை வழிகெடுக்கலாம் என்று திரிகிற சாமியார்கள் இந்த சமூகத்தில் உருவாக்கியுள்ள தாக்கத்தில் லட்சத்தில் ஒரு மடங்கை கூட நீங்கள் ஏற்படுத்தவில்லை.

சல்லாபம் புகழ் நித்தியானந்தா உருவாக்கியுள்ள தாக்கத்தில் நூறில் ஒரு பங்கை தான் நீங்கள் உருவாக்கியிருக்கிறீர்கள்

எனும் போது, நாங்களும் இருக்கிறோம், எங்களோடும் விவாதிக்க வாருங்கள் என்று அறிவிப்பு செய்து சிரிப்பு மூட்ட வேண்டாம்.

வழக்கம் போல் முகனூலில் படம் காட்டி திரியுங்கள், அது போதும் !

மேலும், இந்த முகனூலில் உங்களோடு நாம் எழுத்து மூலம் செய்த விவாதமானது என் சிறிய தந்தை என்கிற முறையில் எனக்கிருக்கும் அன்பு, மரியாதை, மற்றும் கடமையின் வெளிப்பாடு தான்.
அல்லாமல், நீங்கள் பெரும் தாக்கத்தை இந்த சமூகத்தில் உருவாக்கி விட்டீர்கள் என்பதால் அல்ல என்பதை புரிய முடிந்தால் புரியுங்கள்.

தொடர்ந்து நான் இங்கே எழுதப்போவதுமில்லை. அப்படி தொடர்ந்து விவாதித்தே ஆக வேண்டுமானால், நேரடியாக விவாதிக்கலாம், நீங்கள் உங்கள் அதிகார மையத்துடன் தொடர்பு கொண்டு எனக்கு தெரியப்படுத்தினால் நான் சம்மந்தப்பட்டவர்களுடன் வருகிறேன் என்று தான் என் தரப்பில் அழைப்பு விடுக்கப்பட்டது.

அல்லாமல், உங்களுடன் நேரடி விவாதத்திற்கு முன் வர வேண்டிய அவசியம் எவருக்கும் இல்லை.
விரலுக்கெத்த வீக்கம் இருந்தால் போதும்.நாங்களும் இருக்கிறோம் என்று காட்ட எண்ண வேண்டாம்.

கண்டவர்களையெல்லாம் விவாதத்திற்கு அழைத்துக் கொண்டிருக்கும் வேலை தவ்ஹீத் ஜ‌மாஅத்திற்கு இல்லை.
குறைந்த பட்சம், சமூகத்தில் பெரும் தாக்கத்தை உருவாக்கி விட்டு அதன் பிறகு வந்து சொல்லுங்கள், நாங்களும் இருக்கிறோம் என்று..
அதுவரை, ஏற்கனவே சொன்னது போல், வழக்கமான உங்கள் முகனூல் படங்களை மட்டும் ஓட்டிக் கொண்டு இருங்கள்.

அல்லது, நிஜமாகவே தவ்ஹீத் ஜமாஅத்துடன் விவாதிக்க உங்களுக்கு விருப்பமிருந்தால் தவ்ஹீத் ஜமாஅத்தை நீங்கள் அதிகாரப்பூர்வமாக தொடர்பு கொள்ளுங்கள்,

30, அரண்மனைக்காரன் தெரு, மண்ணடி, சென்னை 600001.

இது தான் தலைமையக முகவரி. இந்த முகவரிக்கு, உங்கள் விவாத அழைப்பை குறித்து கடிதம் எழுதுங்கள். அவர்கள் பதில் சொல்வார்கள்!

இதை காதியானிக் கூட்டத்தின் தலையில் உறைக்கும் வண்ணம் சொல்லிக் கொள்கிறேன் !